香港新浪網 MySinaBlog
« 上一篇 | 下一篇 »
司馬十一 | 19th Aug 2009 | 信報專欄--人間定格 | (1011 Reads)

我的「另類」不是我的!

  天       天空仍然沒有半點雨,我們仍得為五斗米折腰!       

只是行走中環的人仍要披甲冑似的西裝,遊走在石屎森林之間,案頭上有做不完的文書,腦海裏文字與影像互相重疊,總希望有三個分身和每天四十八小時……。

      

       MSN 的那頭,傳來 C 的留言:司馬兄,我快要結婚,能否幫我倆拍一輯婚紗照?   

      「哦……我不懂拍婚紗照,特別是港式婚紗照!」我答。「什麼是港式婚紗照?請指教?」C再問。   

     「即是現在流行的婚紗照,用大量後期製作,將女的變瘦,男的變俊,明明是四十度的炎夏,卻有紫色的背景和漫天的雪花,最痛恨的是女主角還要把手張開,陶醉地收集雪花……」我直言。   

      「這種拍法有問題嗎?」C還不死心。   

      「有……,三十年後你已長大的兒女會嘲笑你們,原來當年的電腦製作如此差勁!男的像『牛郎』,女的像矽膠公仔……」  

      「哦……那就用你的方法來拍吧!」C似乎聽不懂。   

      「好的,如果我拍的話,時間地點我來訂,場景是舊街市或爛屋或者是鴨寮街的檔口旁邊,甚至基隆街的菜市場……」我再進一步。對方下了線。   

        兩星期後,MSN 又來了。   

      「我正是喜歡你的另類手法!」C還繼續打字……。   

      「雖然我已經付錢給婚紗公司拍你所謂的『港式婚紗照』,但我還是希望你幫我拍一下,特別是用膠卷來拍!」  

      「天氣實在太熱,炎熱的天氣令我難以專心的。但如果你想用膠卷來拍婚紗照的話,你想用135120?還是 4x5 片幅?」我只好問。

       誰料對方回應一句:「1351204x5 有什麼不同?」  

       我心裏大叫一聲完了!連相片膠卷的片幅也搞不清楚,又怎可能說喜歡我的拍攝手法!我趕忙下線,這次先下線的是我。

  在你眼中的另類,只不過是老掉牙的黑白攝影,我的「另類」不是我的!

(原文刊於2009年6月29日 信報 副刊 <人間定格>)

 

[8] 作品好棒

作者你好!
你的作品真的好棒 我好喜歡
你所拍的每一張照片都好像再我的眼睛看到的一樣

就像是現場一般!
你好 我來自台灣


[引用] | 作者 CHIU | 24th Dec 2009 | [舉報垃圾留言]

[7] Re: 司馬十一
司馬十一 :
爛屋又點有漫天玫瑰花呀....
拍特技片呀?

似驚慄片多啲……(偷笑)

司馬十一 :
正如, 你地認為食緊o既係好野,而我覺得不過是一群蝗蟲而已...

好語帶相關wor師傅,哈哈!

講番正題:C君既然咁一意孤行咁「付錢給婚紗公司拍你所謂的『港式婚紗照』……」,都已經無計傾啦!仲要師傅花時間影…… (我想睇多幾輯「人間定格」或者「街拍」類專輯啫~)

PS 係蟲先至要搵人「照」架咋(何況蟲通常都係搵佢「自以為friend」既人照之嘛,人家可能都當佢係蟲啫…… 如果 Keeping Sir 真係識佢,佢咪仲戇居*)

師兄無需動氣… 煲番飛煙先啦 ;)


[引用] | 作者 貴刁 | 25th Oct 2009 | [舉報垃圾留言]

[6]

算吧..無謂動氣..食返支煙仔好過la..


[引用] | 作者 域高 | 25th Oct 2009 | [舉報垃圾留言]

[5]

我看你的相只是亂影, 同人影婚紗相? 你只是一個器材先決的有錢人, 談不上識影相


[引用] | 作者 camera eye - Keeping Sir friends | 24th Oct 2009 | [舉報垃圾留言]

camera eye - Keeping Sir friends : 我看你的相只是亂影, 同人影婚紗相? 你只是一個器材先決的有錢人, 談不上識影相

如果你真係Keeping Sir既朋友或學生就應該知道我並不是有錢人...
話人器材先決只係果D買唔起相機既憎人富貴厭人窮既人講既野.....
我無講過我識識相...我亦係亂影又如何?
攝影的態度是大前提....你呢?
連個真名都不敢留的可憐蟲而已!

[引用版主回覆] | 作者 司馬十一 | 25th Oct 2009

[4]

C識得要求拍膠卷,看來還是對婚紗照有點要求的,難得他仍鍥而不捨呢。


[引用] | 作者 Maisy | 15th Oct 2009 | [舉報垃圾留言]

[3]

老板,比個細既發兩句up風.
好似食物咁,我鍾意食個樣野,都唔等於我一定要識整架麻.
我覺得佢既問題只係在於又話要膠卷,到頭來原來又唔知有咩分別者.我相信佢真係鍾意你d相既.
btw,雖然我唔識攝影,但係上環舊街市或深水埗爛屋或者是鴨寮街我就最鍾意!!
哈哈!咁你幾時幫我影返張爛屋+漫天玫瑰先?


[引用] | 作者 TSTPR | 27th Aug 2009 | [舉報垃圾留言]

咪玩啦...
爛屋又點有漫天玫瑰花呀....
拍特技片呀?

我本來唔想講,但見你咁無知又頂唔順講多兩句你知,其實一個連菲林同數碼相都分唔到既人黎講,佢點會識欣賞呢,說到底不過想搵人影下野...絕對談不上欣賞二字!

美與醜其實係有約定俗成既世俗眼光!

因為我影相唔係為左錢,所以我可以臭串!

早兩日有人叫我幫佢影相,但我拒絕左!
佢話,你唔係鐘意影相架咩?
我答佢話,我係鐘意影相,但我唔識影你,然後行左去.....

正如, 你地認為食緊o既係好野,而我覺得不過是一群蝗蟲而已...

[引用版主回覆] | 作者 司馬十一 | 27th Aug 2009

[2]

實在太感動了!

從來都沒有看過用這種方式演繹的電車路,你的作品真的讓人融化了!


[引用] | 作者 Ming | 25th Aug 2009 | [舉報垃圾留言]

[1]

哈,年齡係2字頭的人,可能都好少知120呢.

135好多人都用過啦,我用過少少120,4x5就真係第一次聽,又學到一點,Thanks~~


[引用] | 作者 Rainie | 19th Aug 2009 | [舉報垃圾留言]